Klea Huta, moderatorja e cila njihet nga të gjithë është rrëfyer duke treguar disa detaje edhe të jetës së saj personale por edhe rreth dëshirave të saj. Klea e ftuar në emisionin “Interview” krejt e lirshme iu përgjigj këtyre pyetjeve, por kur Kelvi i bënte pyetje më personale, ajo ia bënte të qartë se s’kishte për të marrë përgjigje.
Kur ai e pyeti nëse është në ndonjë marrëdhënie, Klea iu përgjigj prerë: “Mos u lodh kot, ç’u hyn halleve?”
Ajo i qëndron dëshirës që ka për të krijuar një familje dhe për të pasur një shtëpi të ngrohtë e të veçuar në një kodër, rrethuar me pemë.
Sipas moderatorit Kelvi kjo dëshirë është tipike e shenjës së Gaforres, që njihet për natyrën familjare dhe lidhjen shpirtërore me shtëpinë.
Përsa i përket lajmeve që qarkullojnë në mediat online për Klean, ajo u shpreh se nuk para e shqetësojnë sepse “bëjnë punën e tyre”. Megjithatë, si një Gaforre e vërtetë, ndonjëherë mban e mban derisa nuk duron më: “U bie telefonëve” tha ajo për shkrimet në media, “Por vetëm në raste të caktuara.”
Sa për mashkullin që e tërheq më shumë në botën e showbiz-it, Klea tregoi se është aktori Tom Hardy, i ndjekur nga David Beckham. Por Tom-in e ka më të preferuarin nga të gjithë. Dhe çuditërisht, Tom është i shenjës së Virgjëreshës, një shenjë toke që ka përputhshmëri ideale me Gaforren. “Ai është mashkull mashkull!”, ishte komenti i Kleas. (J.V/Shuplaka)
Discussion about this post