Kryetarja e Lëvizjes Socialiste për Integrim, Monika Kryemadhi, në një intervistë për TPZ.AL, ka folur përmbështetjen që i ka dhënë LSI-ja,kryeministrit Edi Rama gjatë katër viteve që kanë bashkëqeverisur.
Sipas Kryemadhit, Rama e përdori LSI-në për të mbrojtur veten nga grupimet brenda Partisë Socialiste.
“Rama është një personazh i cili kërkon që përgjegjësinë t’ua lejë të tjerëve dhe ka frikë nga zullumet që bën vetë por nuk ka frikë nga përgjegjësia, përgjegjësinë e do. Por në katër vitet e kaluara sigurisht që Rama çdo gjë ose çdo kërcënim që i bënte grupeve brenda partisë së vet, i thoshte që unë kam LSI, kam Ilir Metën, nuk më interesoni ju. Tashmë që nuk ka më as LSI sepse Ilir Metën edhe mund ta ketë, e ka President dhe kam parasysh firmosjet e dekreteve dhe që z. Meta ia bëri menjëherë pa kaluar sekondi. Unë di të them që në qoftë se deri dje LSI dhe Ilir Meta kanë qenë mburojë, ‘antiplumb’. përsa i përket në thonjëza qëndrimeve apo sulmeve që i bëheshin z.Rama, sot ai nuk ka më gjë tjetër, të vetmen mburojë që ka janë bandat dhe krimin e organizuar, ka oligarkët të cilët i ka shtruar në tepsinë e tij qeverisëse, ku për çdo grup oligarkësh ose për çdo grup mafioz, ka përfaqësuesit e tyre në ministri për të ndjekur aferat e tyre korruptive dhe për të ndjekur gjithë procesin e tyre”, tha Kryemadhi.
(S.SH/Shuplaka)
