Deputetja e LSI-së, Monika Kryemadhi dhe njëkohësisht gruaja e Ilir Metës ishte e ftuar mbrëmë në emisionin “Opinion” të gazetarit Blendi Fevziu. Gjatë fjalës së saj në lidhje me temën “Sa të forta janë gratë” dedikuar “8 Marsit”, ajo është rrëfyer se për herë të parë se në kohën kur u bë me fëmijë për herë të parë e “urrente” për vdekje, bashkëshortin e saj, Ilir Metën.
Sipas saj në periudhën e mëmësisë gruaja është shumë e zënë me punët e shtëpisë dhe mbi të gjitha me kujdesin prindëror, gjë e cila, e izolon një grua nga aktiviteti i saj normal.
“Kur u bëra me fëmijë për herë të parë, unë e urreja Ilir Metën për vdekje. Sepse thoja ky më mbylli në shtëpi më la pa punë dhe ngela një grua në shtëpi që laja dhe shpëlaja. Burri shëtit, leviz bën qejf, ndërsa ti çfare je, je një skllave që rri në shtëpi”, u shpreh Kryemadhi. (J.V/Shuplaka)
