Deputeti i PD-së Astrit Patozi, i ftuar në emisionin “Të Paekspozuarit”, u shpreh se PD ka pasur shumë probleme nën drejtimin e Berishës por kurrë në këtë gradë dhe se për këtë ai është dëshmitar.
Ndërkohë që thekson se me kreun akutual Lulzim Basha situate në PD po kalon në ekstreme.
“Lëvizja jonë ka dy mesazhe, për demokratët se duke qenë kaq shumë e të bashkuar në këtë reagim, demokratët po tregojnë se nuk janë të izoluar, por janë kudo në Shqipëri dhe janë shumë dhe kemi bindjen se përfaqësojmë shumicën që nuk e pranon këtë gjëndje. Njerëzit nuk është e detyrueshme të jenë anëtarë për të kuptuar se çfarë po ndodh brenda PD-së. Ka disa sëmundje PD tani, që i ka dhe e gjithë politika shqiptare, por që në PD po kalojnë në ekstrem.
Ylli Rakipi: Basha ka bekimin e Berishës, dhe ky i fundit e ka krijuar të gjithë këtë skemë. Ai ka gatuar dhe këtë veprim të fundit që po shohim, ndërsa ju jeni i paqartë për veprimet e Berishës. Si mendohet një parti e re duke mos thënë se pas kësaj fshihet Berisha”, tha Patozi.
Astrit Patozi: Ky është opinioni juaj dhe i shumë njerëzve. Unë kam opinionin tim e mbroj qëndrimet e mia.
Gazetari: PD është trashëgimi e Berishës, është gati pronë e tij
Astrit Patozi: Nuk është kështu, nuk është pronë e askujt. Unë nuk kam ça diskutoj nëse mendoni kështu. PD ka pasur shumë probleme nën drejtimin e Berishës por kurrë në këtë gradë dhe për këtë jam dëshmitar okular. Jemi në situatë të rëndë për meritë personale të Bashës. Sa do thoni ju qëndron Berisha mbrapa, unë gjykoj mbi faktet e gjestet. Basha mori përsipër marrëveshjen me Ramën, listën e tij, fushatën, dhe këtë që po ndodh pas humbjes.
(S.SH/Shuplaka)
Discussion about this post