Rrëfehet Ramush Haradinaj: Qeveria asnjë cent, ja biznesmeni që pagoi 80 mijë euro për mbrojtjen time në Francë

Kreu i Aleancës për Ardhmërinë e Kosovës, Ramush Haradinaj ka treguar detaje nga mbrojta e tij juridike në Francë.

Haradinaj i kthyer në Kosovë ka folur për premtimet e Qeverisë, e cila do të kryente të gjitha shpenzimet që kishte e mbajtjes së kreut të AAK-së në Francë përgjatë katër muajve.

Në emisionin ‘Komiteti’ në RTV Dukagjini, Haradinaj ka treguar se cili biznesmen i kishte paguar shpenzimet e mbrojtjes në Francë. 

“Asnjë cent qeveria s’e ka dhënë. Faturat janë dërguar me kohë. Jam detyru me thirr diken në telefon prej instancave të larta me i pyet a duan ta paguajnë që të mos i rrejmë atje,  kur e kam kuptuar se ata nuk kanë paguar asgjë jemi detyruar të paguajmë vet. Shpenzimet e mbrojtjes pastaj i ka paguar Gani Dreshaj. Shuma e shpenzimeve të mbrojtjes është 70 mijë euro”, ka thënë Haradinaj. (J.V/Shuplaka)