Rudina Magjistari ka treguar se stina e verës ka mbërritur në familjen e saj edhe pse moderatorja e njohur ende është në punë.
Në një prononcim dhënë për “Summer Pages” të G.SH moderatorja e mirënjohur rrëfen se ende nuk e ka përcaktuar se ku do të pushojë këtë vit. “Akoma s’kam vendosur. Këto ditë e ndajmë përfundimisht, por disa në Shqipëri, disa jashtë shtetit. Sigurisht që do të jenë pushime të qeta. Sa më private, aq më mirë, por kjo s’do të thotë pa njerëz. Mia bën shoqëritë e veta në pushime, dhe ky është një moment shumë i bukur. Shpresoj që sivjet të mësojmë notin”, ka rrëfyer Magjistari,
Rudina na ka në treguar se nuk preferon të marrë një person për t’u kujdesur për vajzën gjatë pushimeve, pasi ajo dhe bashkëshorti i saj i janë përkushtuar totalisht prindërimit.
“Unë nuk kam marrë as dado për vajzën. Unë dhe im shoq kemi vendosur të jemi vetë prezent gjatë gjithë kohës së rritjes së saj këto vitet e para. Sigurisht, kemi fatin që oraret e impenjimeve tona profesionale të përputhen me këtë program tonin. Pa diskutim kemi edhe ndihmën e pazëvendësueshme të mamasë sime, apo të zonjës që më ndihmon në shtëpi, por jemi vetë ne që e kemi impenjim të përditshëm, askush tjetër”.
Mia për ata të dy është rëndësia më e madhe, madje e vogla e tyre i suprizon ata me sjelljen e saj të dëgjueshme si prej një të rriture.
“Kur ne luajmë me Mian duket sikur është dëshira e saj më e madhe, të cilën ia plotësojmë pa asnjë rezervë, aq më tepër për pushime. Mia nuk ka teka. Ajo ka personalitetin e vet, të cilin e respektojmë. Dhe ndoshta është kjo arsyeja që edhe kur ti mendon se do bëjë ndonjë kapriço, ajo të surprizon me sjelljen e saj të dëgjueshme prej të rriture”, ka përfunduar moderatorja. (J.V/Shuplaka)
Discussion about this post