Të dyja motra janë rritur me mbështetjen dhe dashurinë e madhe të nënës së tyre. Fjalën e kemi për Viola dhe Petrula Spiron.Por edhe Brunilda Spiro, mami i dy motrave të njohura të ekranit, Viola dhe Petrula, nuk është e panjohur për publikun.
Nëse viziton profilin social të Violës, motra e saj e dytë është gjithandej. Brunilda që prej fëmijërisë se vajzave të tyre ka ëndërruar që ato të bëheshin pjesë e televizionit. Kështu është rrëfyer mami i Violës, e cila për herë të parë ka qenë e ftuar në emisionin “Rudina” në Tv Klan. Të dyja kanë folur në këtë emision jo vetëm si prind – fëmijë, por sidomos për marrëdhënien e tyre si shoqe.
Pothuaj të pandara nga njëra-tjetra gjatë gjithë ditëve të javës, Viola dhe Petrula Spiro kanë gjithmonë pas vetes shoqen e tyre të ngushtë – Brunildën.
“Kalojmë shumë kohë me njëra-tjetrën, përveҫ rasteve kur unë jam në punë apo e shkëputur për jetën time personale, por e kam shumë të koordinuar këtë kohë. Paraditet dhe kafet i kalojmë gjithmonë bashkë..” – rrëfen Viola për të ëmën.
Por ka edhe gjëra që jo të gjitha i tregohen mamit.
“Në përgjithësi, unë jam shumë e hapur me mamin. Edhe në momentet e vogla dhe të parëndësishme. Kështu kam qenë qysh në fëmijëri. Madje edhe në ato rastet kur kishin filluar ato pëlqimet e vogla, edhe kur mami nuk më linte të dilja natën… Gjërat që nuk ia tregoj janë gjëra që më bezdisin ose gjëra që e bëjnë shumë merak. Gjërat që nuk ia them asnjëherë janë rastet kur nuk dua ta shqetësoj apo ta vë në merak, edhe pse kjo është e vështirë, sepse ndien gjithҫka që më ndodh. Edhe sot e kësaj dite, mami më thotë “të kam ende këtu në bark”, edhe pse jam e rritur. E ndien gjithҫka që më ndodh, ndien edhe shqetësimin më të vogël”, tregon moderatorja.
Si nënë e bijë, por më shumë dy shoqe, më shumë se gjithҫka tjetër te njëra – tjetra vlerësojnë komunikimin e hapur. (J.V/Shuplaka)
Discussion about this post