Futbollisti kolumbian Yerry Mina ka që prej janarit që është transferuar te Barcelona, por ka humbur që tani qindra euro nga bastet ndaj shokëve të ekipit Lionel Messi dhe Luis Suarez.
Kolumbiani naiv ka sfiduar dy latinët që mund të godiste më mirë se ata goditjet e dënimit…dhe normalisht që është mundur.
Por kjo ishte mënyra e Mina për t’u përshtatur sa më mirë në Barcelonë pas transferimit nga Palmeiras.
“Sfida ishte kush do të godiste goditjen më të mirë standarde në stërvitje por çdo ditë unë po humbisja 50 euro. Një moment i thirra mendjes, pasi po i jepja para për të bërë ‘shopping’! Më duhej të qeshja por e vërteta është se ata përbindësh e dërgonin topin ku të donin, ata janë njerëz të mëdhenj, dhe magjistarë në fushë.”
Discussion about this post