Kjo është një histori tronditëse, nga ato të rrallat por që dëgjohen edhe në Shqipëri. Fjalën e kemi për 14-vjeçaren që ngeli shtatzënë vetëm kur ishte 12 vjeç. Por ajo sot rrit një vajzë me probleme të mëdha shëndetësore të ardhur në jetë si fryt i një lidhjeje me një djalë që e njohu në rrjetet sociale.
Historia e saj është bërë publike te emisoni “Me Zemër të Hapur” por identiteeti i vajzës ngelet anonim për shkak se ajo është e mitur.
Vajza rrëfen në studio problemet e saj që nga njohja me babain e vajzës, ikja nga shtëpia për të jetuar dashurinë më të, shtatzëninë, lindjen e vajzës, dhunën e ‘burrit’ 16-vjeçar dhe varfërinë ekstreme.
Historia e vajzës që lindi në shkurt të vitit 2003
Dy vjet më parë, kur ajo vetëm 12 vjeç ajo mori vesh lajmin: brenda saj po rritej një krijesë….dhe as nuk e kuptonte se vetëm pas 9 muajve do të bëhej nënë. Ajo vazhdonte të luante vet me kukulla dhe po sillte në jetë një fëmijë.
Studionte në klasën e 7 dhe ishte një nxënëse ekselence kur u njoh me 16-vjeçar me anë të rrjeteve sociale dhe pas disa ditësh takohet me personin në fjalë.
Nëna zbulon këtë lidhje sekrete siç dhe vajza e quan dhe nga frika 12-vjeçarja ikën nga shtëpia dhe strehohet në banesën e djalit.
Policia arriti të gjejë vendndodhjen, fillimisht nuk u mor asnjë masë pasi ishin të vegjël por vajza pasi u rikthye në shtëpi nuk qëndroi gjatë dhe ia mbathi sërish duke i kërkuar djalit të jetonin të dy sepse e dashuronte. 12 vjeç e pak muaj martohet dhe kjo vogëlushe ngelet shtatzënë. Sot që është 14 vjeçe e ka vajzën e saj 9 muajshe.
Babi i vajzës jo vetëm që nuk u kujdes për të dyja por e dhunoi duke e detyruar në njëfarë mënyre që ajo të ikte tek prindërit e saj. Dhe aktualisht ajo jeton tek prindërit me vajzën e vogël, e cila erdhi në jetë në datën 17 qershor te 2016 me probleme të rënda shëndetësore në zemër dhe me sindromën Down.
Ajo jeton në kushte ekstreme të varfërisë. Por hallet nuk kanë fund për 14-vjeçaren. Vajzës së saj 9 muajshe nuk i ka ngelur shumë jetë, pasi i duhet një ndërhyrjeje kirurgjikale në zemër. Historia e 14-vjeçares është e dhimbshme, ajo ka nevojë për ndihmë. (J.V/Shuplaka)
Discussion about this post