Një djalë shurdh-memec i cili është një nga viktimat e abuzimeve seksuale brenda kishës katolike, ka zbuluar sesi priftërinjtë i mësonin seksin oral dhe gjëste të tjera jo të hijshme brenda një instituti mësimor në Itali. Viktima, e identifikuar vetëm si ‘Giuseppe’, i tha The Daily Beast se si priftërinjtë dhe murgjit në Institutin Antonio Provolo në Verona kishin filluar t’i mësonin atij gjëra të tilla si masturbimi, raporti seksual, penisi dhe anusi kur ai ishte vetëm 11 vjeç.
Mësimet ishin të dëshifruara në një formë të atillë që të ishin të pakuptueshme për të tjerët, madje edhe për ata që mund të kuptonin gjuhën e shenjave, duke e bërë të pamundur që fëmijët të shpjegonin me saktësi atë që po u ndodhte prindërve apo edhe autoriteteve. Rrjedhimisht, u deshën shumë vite para se dikush të kuptonte atë që ai po përpiqej të thoshte, dhe madje edhe më shumë para se të besohej.
Giuseppe është një nga 67 djemtë e rinj të përfshirë në dokumentet e gjykatës, i cili ka detajuar abuzimin e pretenduar në Institutin Provolo të kryer nga më shumë se dhjetëra priftërinj.
Prokurorët e Veronas po planifikojnë të sjellin çështjen në gjyq gjatë muajve të ardhshëm, pasi kanë kaluar pothuajse një dekadë duke hetuar akuzat, raportoi Daily Beast.
(J.D/Faxweb.al)
Discussion about this post