Çudirat e Ujësjellësit dhe Kanalizimeve të Tiranës s’paskan të sosur. Së fundmi është bërë një ndërhyrje nga ujësjellës-kanalizimet, në një pusetë mbi trotuarin e pallatit që bashkon rrugët Mahmut Xhelili dhe Androkli Kostallari në kryeqytet.
Banorët tregojnë për “Shuplaka-n” se ka qenë data 5 prill, kur makineritë kanalbërëse çanë trotuarin dhe rrugën Mahmut Xhelili, ku bashkuan me kanal pusetat e dy trotuareve përballë. Kjo me qëllim për të bërë të mundur tërheqjen e ujërave të zeza që kishin shpërthyer mbi rrugë.
Ata tregojnë gjithashtu se fillimisht u gëzuan për defektin që po u riparohej për momentin, pa e menduar refrenin e dhimbshëm të ndërmarrjeve tona që kur riparohet diçka do të prishet diçka tjetër.
Kështu gëzimi i tyre zgjati shumë pak, kjo sepse pasi çanë trotuar dhe rrugë, punonjësit e ndërmarrjes që po kryente punimet, u mjaftuan me hedhjen e pllakave në një cep të trotuarit dhe mbulimit me dhe të kanalit, pa dashur të dinë më tej për fatin e kësaj katrahure. Në fund kemi një trotuar të shqyer, për të cilin nuk mendoi jo vetëm ujësjellësi por as bashkia. (D.D/Shuplaka)
[ngg_images source=”galleries” container_ids=”1756″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post