Rreh brutalisht dy fëmijët dhe ia nis videon gruas

Një baba dyshohet se dhunoi brutalisht dy fëmijët e tij dhe më pas ia nisi videon bashkëshortes, e cila e kishte braktisur.

41-vjeçari Ovidiu Popa, nga Rumania ia nisi videon bashkëshortes së tij Gabriela, e cila jeton në Britani. Në të, sipas The Sun, ai e kërcënonte gruan se do ta vriste, ndërkohë që rrihte dy fëmijët e mitur, nën 5 vjeç.

Gabriela raportohet se e braktisi bashkëshortin dhe u largua drejt Britanisë për të punuar. Ndërsa fëmijët i la me bashkëshortit në Nicoresti, në lindje të Rumanisë.

Pasi u largua prej tij, gruaja tha se ai kishte tentuar të vetëvritej dhe më pas kishte bërë videon. Policia konfirmoi se kishin nisur një hetim për rastin, ndërsa fëmijët ishin dërguar në një vend të sigurtë.

E gjithë kjo ngjarje bëri që gruaja të kthehej në Rumani. “U largova për shkak të dhunës, mu desh të kthehesha sapo pashë videon“, tha ajo. Hetimet për ngjarjen vijojnë./tvklan.al