Dritan Rexhepi nuk është paraqitur në seancën gjyqësore për çështjen e rrëmbimit dhe zhdukjes së Jan Prengës, duke kërkuar të përfaqësohet nga avokatja e tij.
Sipas avokates së Rexhepit, ai nuk u paraqit pasi duhej të shoqërohej të premten nga paraburgimi i Fierit në drejtim të paraburgimit 313. Ajo kërkoi nga gjykata që seancat të caktohen në ditë të tjera, me përjashtim të së hënës dhe së premtes.
SPAK paraqiti provat shkresore, gjithsej 13 faqe, përfshirë këqyrjen e vendit të ngjarjes, e cila vërteton se viktima është shtetasi Jan Prenga. Njollat e gjakut të gjetura në vendin e ngjarjes janë krahasuar me ADN-në e nënës së tij, duke rezultuar të përputhshme.
Gjatë hetimeve janë paraqitur prova filmike të siguruara nga disa biznese. Nëpërmjet këtyre pamjeve është bërë e mundur ndjekja e itinerarit të autorëve. Pamjet tregojnë se viktima ishte mbajtur nën vëzhgim për disa ditë para rrëmbimit.
Automjeti Land Rover i autorëve të dyshuar ka ndjekur automjetin e viktimës konkretisht në datat 15, 16 dhe 17 janar.
Discussion about this post