Rrëmbimi i sajuar i 13-vjeçares do të referohet në Prokurorinë e Krimeve të Rënda, ndërsa burime për Faxweb.al sqarojnë se ky procedim do të mbyllet pasi nuk ka asnjë element për vepër penale.
Ngjarja e cila ngriti dje në këmbë të gjithë policinë e Shteti si dhe opinionin publik ndodhi rreth orës 16:00 ku u referua se një vajzë 13 vjeç ishte rrëmbyer nga makinë sapo kishte zbritur nga furgoni i shkollës.
Ndërkohë bëhet me dije se e gjitha ka qenë një lojë mes fëmijëve dhe se ngjarja do të referohet në në këtë prokurori për tu sqaruar tërësisht dhe me shumë gjasa do të mbyllet shumë shpejt.
Rrëmbimi i sajuar
Kjo histori përfundoi në harkun e rreth 3 orëve është mbyllur fatmirësisht me lajmin e mirë, se 13-vjeçarja, me inicialet S.B, emrin e të cilës vendosëm të mos e publikojmë, u gjet në një bar me shokët dhe shoqet e saj.
Zyrtarë të Policisë Kriminale thanë se ky nuk ishte një rrëmbim por një keqkuptim.
Më tej nga burimet brenda policisë, mësohet se do të ketë një prononcim zyrtar mbi ngjarjen, por paraprakisht mësohet se vajza është gjetur në shoqërinë e dy shoqeve dhe dy shokëve të saj për të cilë paraprakisht kanë rrëfyer se e kishin inskenuar vetë ngjarjen.
Ata kanë qenë në një nga qendrat tregtare të kryeqytetit ku kanë konsumuar edhe diçka së bashku, dhe alarmi i ngritur për zhdukjen e saj ka habitur edhe vetë minorenen pasi nuk e kishte përfytyruar diçka të tillë.
Qytetarë të shumtë disa prej të cilëve pretendonin se kishin qëenë edhe dëshmitarë, ngritën alarmin duke thënë se e kishin parë vajzën që ishte ndarë nga e motra me forcë nga dikush që kishte zbritur nga një makinë e kuqe, tip “Fiat Punto”.
Ndërkohe Policia ngriti postoblloqe në gjithë kryeqytetin si dhe u lidh me komisariatet e rretheve për të bërë të mundur identifikimin dhe kapjen e autorëve të përfolur të rrëmbimit.
Discussion about this post