Detaje tronditëse janë zbuluar për vajzën 13-vjeçare të rrëmbyer pasditen e sotme në kryeqytet, për të cilën mësohet se ka inicialet S.B dhe është rrëmbyer nga dy persona të maskuar.
Dëshmitarët kanë treguar se vajza ka qenë bashkë me motrën e saj të cilat sapo kishin zbritur nga furgoni që i transporton nga shkolla, dy persona me maska kanë zbritur nga një makinë tip “Fiat punto” ngjyrë e kuqe, duke e futur me forcë brenda saj dhe janë larguar me shpejtësi.
Gjithashtu mësohet se e mitura vuan nga diabeti dhe merr insulinë abitra dhe lancus 4 herë në ditë në mënyrë të vazhdueshme dhe të pandërprerë, ndërsa shtohet frika se nga kjo mund të pësojë edhe ndonjë problem të parikuperueshëm.
Prindërit e saj e kanë konfirmuar, duke thënë se nuk familja e tyre nuk ka asnjë konflikt të hapur me askënd.
“Nuk kemi konflite me asnjë. Nuk kemi asnjë dyshim. Nuk i japim dot shpjegim rrëmbimit të vajzës. Të dyja vajzat u kthyen si çdo pasdite. I priste gjyshja në shtëpi, i shoqëronte vajzat gjithmonë me sy“, kanë treguar prindërit
Policia ka thirrur prindërit e të miturës për hedhur dritë mbi shkaqet e rrëmbimit ndërsa postoblloqe të shumta janë ngritur në gjithë kryeqytetin për të bërë të mundur identifikimin dhe kapjen e autorëve.
(F.GJ/FAXWEB.AL)
