Për situatën në infrastrukturën e kullimit dhe mbrojtjes nga përmbytja nga rreshjet e ditës së sotme në të gjithë territorin e vendit kanë filluar rreshjet e shiut dhe deri më tani nuk ka ndonjë situatë problematike.
Sipas Ministrisë së Bujqësisë aktualisht të gjithë hidrovoret janë në gatishmëri dhe qysh nga dita e djeshme janë futur në punë (me regjime të ndryshme) për të mbajtur nivele sa më të ulta të ujit për ti paraprirë përballimit të prurjeve të mëdha, që mund të krijohen nga rreshjet intensive në orët në vijim.
“Ekskavatorët e Drejtorive të Ujitjes dhe të Kullimit Lezhë, Fier, Durrës dhe Korçë po mbahen në gatishmëri për të mundësuar ndërhyrjet në rast të situatave emergjente. Stafet tekenike të këtyre drejtorive po monitorojne në terren situatën sidomos argjinaturat mbrojtëse të lumenjëve. Gjithashtu janë mbajtur kontakte me OSHEE për furnizimin pandërprerje me energji elektrike të hidrovoreve. Jemi ne ndjekje te situatës”, thuhet në njoftimin e ministrisë. (J.V/Faxweb)
Discussion about this post