Rrëshqitje dherash në LLogara, mjetet lëvizin me vështirësi

Ditën e sotme për shkak të reshjeve të dendura të shiut që kanë rënë përgjatë gjithë natës në disa akse rrugore janë hasur vështirësi në qarkullimin e mjeteve. Kështu në Llogara raportohet se si pasojë e reshjeve të shiut ka patur rrëshqitje dheu.

Një masiv dheu ka bllokuar qarkullimin e mjeteve në aksin Orikum-Llogara.Mësohet se kalimi i mjeteve në rrugë po bëhet me vështirësi pranë fshatit Dukat.

Sakaq, në vendngjarje kanë mbërritur strukturat e policisë dhe ato të mirëmbajtjes së rrugëve dhe po punohet për normalizimin e situatës.

(E.K/SHUPLAKA)