Reshje të dendura shiu dhe bore kanë përfshirë gjatë natës territorin e qarkut të Kukësit. Si pasojë e këtyre reshjeve ka pasur rrëshqitje gurësh dhe inertesh në aksin Kukës-Shishtavec.
Për pasojë është vështirësuar qarkullimi i automjeteve. Rrëshqitjet e dherave e gurëve kanë qenë prezente në shumë segmente rrugore duke bërë që drejtuesit e mjeteve të përballen me vështirësi gjatë qarkullimit në këtë rrugë.
Në atë zonë ka pothuajse dy vite që nuk ndërhyhet për mirëmbajtjen e rrugës, ndërkohë që bashkia shprehet se nuk ka fonde.
(M.Q/Faxweb.al)
