Ka përfunduar takimi i papritur i kryeministrit Edi Rama me ministrin e Drejtësisë, Petrit Vasili. Takimi u zhvillua në Kryeministri dhe zgjati rreth 60 minuta.
Ende nuk ka infomacione se për çfarë është biseduar konkretisht në takimin mes tyre. Flitet se ministri i LSI-së është takuar edhe me grupin e të besuarve të Ramës, konkretisht: Erion Veliaj, Ditmir Bushati, Saimir Tahiri, Gramoz Ruçi, të cilët zhvilluan një takim këtë paradite me kreun e Qeverisë.
Me aq sa flitet deri tani, Vasili mori pjesë në këtë takim në rolin e negociatorit. Ministri i Drejtësisë iu drejtua Kryeministrisë pas një takimi të zhvilluar pak më herët me kryetarin e LSI-së, Ilir Metën. Këto takime ndoqën të parin e kësaj dite, atë të kryeministrit Edi Rama me kreun e Kuvendit, Ilir Meta, që zgjati jo pak, por 90 minuta.
Tensioni që ka shoqëruar këto ditë zhvillimet politike në vend është bërë shkak për takime të shumta mes krerëve të partive, por edhe takimeve ku nuk ka munguar faktori ndërkombëtar, ambasadorët Lu dhe Vlahutin si dhe ish-ambasadori Arvizu.
(XH.A/SHUPLAKA)
Discussion about this post