Zef Guri është ekzekutuar pasditen e sotme në malin e Shoshit në Dukagjin. Ai ka qenë së bashku me të birin, Gjin Gurin 38 vjeç, në momentin ku ndaj tyre është qëlluar me breshëri kallashnikovi.
“Rreth orës 18:45, në sallën operative të Policisë Shkodër ka ardhur një telefonatë se në malin e Shoshit, ishin plagosur me armë zjarri shtetasit Gjin Guri dhe Zef Guri
Shtetasi Gjin Guri po transportohet në spital, për ndihmë mjekësore, ndërsa shtetasi Zef Guri ka humbur jetën disa minuta pasi ka ndodhur ngjarja”, thuhet në njoftimin e policisë.
Megjithatë për shkak të largësisë dhe të terrenit të vështirë, shërbimet e Policisë, së bashku me grupin hetimor, ndonëse janë nisur menjëherë në vendngjarje, nuk kanë mundur të mbërrijnë shumë shpejt.
“Me mbërritjen e shërbimeve dhe grupit hetimor, në vendngjarje, dhe pasi të sqarohen rrethanat e ngjarjes, do të ketë një njoftim tjetër”, thonë blutë ndër të tjera.
(Xh.H/FaxWeb.al)
Discussion about this post