Rrethimi i redaksisë së ”Koha Jonë” nga Policia, reagon Endri Fuga

Pas denoncimit të rrethimit të Redaksisë së Koha Jonë dhe shoqërimit në polici të Nikollë Lesit, vjen dhe reagimi i parë nga ana e kryeministrisë.

Për këshilltarin e Ramës për mediat, Endri Fuga ndërhyrja e policisë ka aedhur pas denoncimit të banorëve për ndërtimin e një palë shkallëve nga ana e Nikollë Lesit.

“Policia i përgjigjet denoncimit të banorëve për ndërtimin e shkallëve në pallatin ku banon botuesi i @kohajonë. Alarmi i Nikollës=palidhje”, shkruan Fuga. 

Emri i Fugës përmendej në denoncimin e bërë publikisht nga Nikollë Lesi. Botuesi i Koha Jonë e kishte telefonuar këshilltarin e Ramës në mënyrë që të ndërhynte për çështjen. 

”Mora Endri Fugën këshilltarin për mediat të kryeministrit Rama dhe natyrisht me një ton paksa të ngritur të komunikimit, i shpjegova se jam në polici në pritje të marrjes në pyetje për “vepra penale” (!) dhe i nisa edhe një foto me whatsapp, ku dukej fytyra e përvuajtur e një polici që thoshte se nuk na del rroga që na jep Edi Rama”, shkruante ndër të tjera Lesi. 

(E.K/SHUPLAKA)