Policia e Lezhës ka rrethuar në ”Fushë Gjormë” autorin e grabitjes me armë, në të cilën mbeti i plagosur një polic mëngjesin e sotëm. Sipas burimeve të policisë ai është i armatosur. Në ndihmë të policisë së Lezhës kanë shkuar dhe forcat RENEA dhe një helikopter.
Fillimisht u fol për dy grabitës, ndërsa tani nga policia flet vetëm për një autor.
Mëngjesin e sotëm autorët e armatosur kanë grabitur një makinë në qytetin e Lezhës rreth orës 9 e 40 minuta. Ngjarja e rëndë ka ndodhur te ‘’Kryqëzimi i Arbërisë’’ në autostradën e ”Rrugës së Kombit”.
Si pasojë e këtoj sulmi ka mbetur i plagosur një polic. Policia ka marrë njoftimin për grabitje dhe në tentativën për tu larguar autorët e ngjarjes kanë qëlluar mbi policinë.
Ndërkohë që identiteti i policit është Nikolin Gjergji, i cili mësohet të jetë jashtë rrezikut për jetën. Ai është transportuar drejt Spitalit Rajonal të Lezhës, ku do të mbahet nën mbikqyrjen e mnjekëve.
Sipas burimeve nga Policia e Lezhës targa e mjetit të grabitur është AA 870 II. Po sipas deklaratës së policisë plumbi e ka plagosur efektivin në kokë.(E.K/SHUPLAKA)
