Teqeja e Zallit në Gjirokastër, e ndërtuar në vitin 1780 dhe që dikur ka luajtur rolin e një institucioni fetar e kombëtar, rrezikohet tashmë nga zjarri. Incidenti më i fundit është shënuar rreth orës 08:30.
“Shuplaka” mëson se rreth 10 metra katrorë sipërfaqe e çatisë është përfshirë nga flakët. Në vendngjarje kanë shkuar menjëherë katër makina zjarrfikëse që kanë kryer izolimin dhe shuarjen e flakëve.
Nga të dhënat e deritanishme mësohet se shkak i zjarrit që ka përfshirë këtë objekt kulture është bërë kontakti me materialin felizol.
Nuk është hera e parë që Teqeja e Zallit Gjirokastër përfshihet nga flakët. Rreth 8 vjet më parë, ajo u shkrumbua plotësisht. Atë kohë u tha se shkak u bë një qiri i ndezur.
Teqeja e Zallit në Gjirokastër cilësohet si objekti më i rëndësishëm i kultit për besimtarët e fesë bektashiane në qytetin e Gjirokastrës. Fatkeqësisht, ky objekt culture nuk ka vëmendjen e shtetit.
[ngg_images source=”galleries” container_ids=”163″ exclusions=”158,159,160,163,164,165,166,331,333,335″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
