Skye Wheeler është vetëm 19 vjeç, por në ndryshim nga bashkëmoshataret e saj i duhet të jetojë çdo ditë me frikën se një ditë mund të mos zgjohet më, ose të mbesë përgjithmonë e verbër, për shkak të një veprimi që e bëjnë me mijëra të rinj.
Gjithçka do të niste në 2014-ën, kur vajza e re nga Cornwall ishte vetëm 14 vjeçe. E pakënaqur me ngjyrën e syve, ajo vendosi të përdorte lente pa ditur se kjo gjë do të bëhej shkak i shfaqjes së një infeksioni të rëndë në sy, njohur ndryshe si encefalomititi mialgjik.
”Ndihesha gjithë kohës e lodhur dhe nuk arrija dot t’i mbaja sytë hapur. Fillimisht kujtoja se ishte thjesht një fazë e përkohshme si pasojë e kequshqyerjes dhe dietës që po mbaja asokohe. Fillova të merrja komplekse vitaminash dhe lëndësh të tjera ushqyese, megjithatë situate sa vinte e përkeqësohej.
Pas ekzaminimeve të ndryshme, mjekët arritën në konkluzionin se në sytë e mi fshihej një bakter, i identifikuar si Acanthamoeba keratitis, i cili gjendet në ujin e rubinetit dhe që tashmë po zhvillohet në kornenë e syrit të saj të djathtë.
Pavarësisht viteve të gjata të trajtimit, e kam akoma këtë parazit në sytë e mi. Më kanë thënë se për momentin po fle, megjithatë mund të zgjohet nga momenti në moment dhe ta hajë.”-ka rrëfyer ajo për ”The sun”.
19-vjeçarja filloi të kishte simptoma të encefalomititit mialgjik, një gjendje neurologjike shkakton lodhje ekstreme, dhimbje, marramendje dhe simptoma të tjera të ndryshme. “Nuk është vetëm lodhje: me të vërtetë dëshiroj që të kishte një emër tjetër për ta përcaktuar mirë. Ndonjëherë nuk kam as energji për t’u ngritur. Sot shtrati im është bota ime, shtrati im është mbështetja ime. Përpara se të vendosni lente, informohuni për kujdesin që duhet të tregoni.”-përfundon ajo./Burimi ”THE SUN”
