Rrezikojnë të mbyten dy peshkatarë në Vlorë, ”Delta Forcë” në ndihmë të tyre

Dy peshkatarë kanë rrezikuar të mbyten ditën e sotme në Vlorë, ndërsa në ndihmë kanë thërritur kapitenerinë e portit. Në ndihmë të tyre kanë ardhur disa pjestarë të Delta Force. Aktualisht ata janë duke u nxjerrë nga deti.

Peshkatarët kanë qenë duke lundruar në zonën e Zvërnecit, ndërsa rreziku i ka ardhur si shkak i erërave të forta dhe dallgëve që deti ka pasur. Nuk dihet ende identiteti i dy peshkatarëve që rrezikojnë mbytjen, ndërsa misioni paraqitet me mjaft vështirësi. 

Ditët e fundit i gjithë vendi është pushtuar nga kushtet atmosferike mjaft të ftohta, ku temperaturat kanë qenë edhe nën zero gradë.

(E.K/FAXWEB)