Në një kohë kur vendi është prekur nga duritë kaotike të tërmeteve, është e rëndësishme të flitet edhe për rëndësinë që ka sigurimi i pronave tona që nëse ka një dëm nga i cili mund të prekemi, të mund të jemi edhe përfitues.
Këtë sipas presidentit të Sigal nuk mund ta bëjë politika por kompanitë e sigurimeve, në të cilat sipas tij qytetarët duhet të regjistrohen për regjistrimin e pronave të tyre për të marrë kompensimin në rastin kur mund të preken nga katastrofat natyrore por jo vetëm.
“Sot ka pak sigurime në Shqipëri, ne kemi dalë në terren për të parë situatën në të cilat ndodhet pronat që janë regjistruar në agjensinë tonë si dhe që të bëhet përllogaritja e tyre në rast konstatime dhe që konvenon në shpërblimin që i takon në bazë të kontratës. Prandaj sot në perëndim nuk është e lehtë të blesh një pronë sepse ka kontrata të nënshkruar sigurimesh me kompaitë private, dhe shtetin e shohin si një zbatues dhe rregullim të ligjeve që ka miratuar.
Sot në Shqipëri sigurimi fizik dhe pronësor është shumë i ulët pasi ende nuk është futur në masën e duhur ndërgjegjësimi mbi rëndësinë që ka sigurimi. Sot në Shqipëri numërohen mbi 500 mijë makina, dhe vetëm paratë që përdorin për lavazh të përdorte për sigurimin, do të ndodheshim në një situatë krejt tjetër”, tha Ponari gjatë një interviste për Fax News me gazetaren Mirilda Tili.
Përse ndodh kjo, mos ka mungesë besimi tek agjensitë e sigurimit?
“Ka një koncept tërësor, pot u thuash bëj sigurimin e shëndetit apo pronës, i konceptojnë sigurimet si një ndjellje-keqe, si një rrezik që mund t’ju vijë. Nuk është e vështirë të gjesh zyrat e sigalit ë Shqipëri, njerëzit nuk duan dhe jo për shkak të mungesës së besimit, sepse nëse kompania nuk të jep lekët përballet në gjyq, është detyrim ligjor dhe mbi të gjitha tregu është i mbikqyrur nëse ti je i siguruar dhe paguan contribute. Shqiptarët nuk shkojnë tek sigurimet por tek avokatët dhe në vend që të paguajnë sigurimet, paratë i marrin avokatët dhe janë edhe këta të fundit që e kanë future mungesën e besimit tek agjensitë e sigurimeve. Kanë krijuar konceptin e gabuar dhe kështu vijojnë të jetojnë”, tha Ponari.
https://www.facebook.com/faxweb.al/videos/2404828066402522/
(F.GJ/FAXWEB.AL)
