Rreziku nga ndikimi rus, Rama: Nuk është sekret, dihet se…

Kryeministri Rama në një takim me homologun e tij maqedonas Zoran Zaev tha se Rusia nuk është shumë mbështetëse  ndaj anëtrësimit të Shqipërisë në BE.

Gjatë  fjalimit të tij ku si fokus kryesor ishte marrëdhënia mes dy vendeve dhe përpjkjeve të tyre për zhvillim dhe anëtarësim në Bashkimin Europian, Rama i është përgjigjur pyetjeve të gazetarëve gjatë konferëncës së  përbashkët në Tiranë.

“Rusia nuk është një vend tifoz i  BE dhe i zgjerimit të saj dhe natyrisht nuk mund të ketë tifozllik për asnjë vend të Ballkanit  perëndimor dhe kjo nuk është sekret sepse tashmë dihet”, tha Rama.

Ndër të tjera kryeministri tha që bashkëpunimi Shqipëri-Maqedoni e veriut do jetë një faktor kyc për anëtarësimin në BE.

“Puna e përbashkët që po bëhet, shkëmbimi i ekspertizës, përvoja e krijuar dhe e bashkëndarë hap pas hapi na ndihmon jashtëzakonisht shumë kur shkohet drejt pragut të shumëpritur të çeljes së negociatave me Bashkimin Europian”.

Është hera e parë për kryeministrin maqedonas që  vjen për një vizitë zyrtare në Shqipëri pas ndërrimit të emrit.