Turqia do të evakuojë 32 nga shtetasit e saj dhe familjet e tyre nga Wuhan për shkak të rrezikut të shfaqur nga shpërthimi i koronavirusit, tha Emin Önen, Ambasadori turk në Pekin, në kanalin e lajmeve NTV të Turqisë.
“Ne jemi në kontakt me të gjithë qytetarët tanë. Ne kemi 32 qytetarë në Wuhan,”- tha ambasadori. “Ne kemi filluar përpjekjet tona për t’i nxjerrë 32 qytetarët tanë.”
Ambasadori tha se nuk ishin zbuluar të infektuar në mesin e shtetasve turq, duke shtuar se të gjitha do të mbaheshin nën karantinë sapo të arrinin në Turqi.
Ai tha se shtetasit turq në pjesë të tjera të Kinës nuk do të evakuohen. Rreth 6,000 turq po jetojnë në vend. Koronavirusi u shfaq për herë të parë muajin e kaluar në një treg të kafshëve të egra në provincën qendrore të Wuhan.
