Amandametet e LSI-së në lidhje me paketë fiskale nuk janë marrë parasysh nga ana e qeverisë. Në një deklaratë për mediat deputeti Përparim Spahiu u shpreh se LSI pavarësisht rrë;imit nga ana e qeverisë nuk do të ndryshojë aspak qëndrim për propozimet e paraqitura.
“Nuk janë marrë parasysh amendimet e paraqitura nga ana e LSI-së, propozuar për qeverinë. Ne nuk ndryshojmë asgjë nga ato që kemi paraqitur. Amendimet e LSI-së kërkonin heqjen e taksës për çmimet e shportës.
Kjo nuk është e pabazë, pasi edhe vende të rajonit dhe të zhvilluara e praktikojnë këtë. Amendimi tjetër që na u rrëzua ka qenë niveli i taksës për banesën e parë. Ky ka qenë edhe një kusht nga ana e FMN-së.
Në mbledhjen e grupit u diksutua edhe për propozimin në lidhje me statusin e minatorit. Ende nuk kemi një vendim të tillë. I bëjmë thirrje menjëherë që ky propozim të merret parasysh. Qeverisë i duhen minatorët e varfër. U bëj thirrje kolegëve në Kuvend që të merret parasysh ky propozim i imi”, u shpreh Spahiu.
(E.K/Faxweb)
