Mosvotimi i amendamentit të deputetit të LSI-së Petrit Vasili për të ndaluar dhënien me koncension të Laboratorëve spitalorë po përflitet shumë në media dhe opinion publik. Kjo për faktin se, për këtë ligj abstentoi kreu i LSI-së Ilir Meta por për faktin që shumë deputetë të Opozitës, të cilët prej kohësh kanë kundërshtuar koncesionet në shëndetësi, munguan në sallë në momentin e votimit.
Sipas gazetares së mirënnjohur Sonila Meço, “të zgjidhesh algoritmin e sjelljes parlamentare në këtë vend do dozë të lartë çmendurie”.
Postimi i plotë i Sonila Meços:
“Të zgjidhesh algoritmin e sjelljes parlamentare në këtë vend do dozë të lartë çmendurie. Për t’i hyrë e mandej për të shpresuar se do zbërthesh taktikat. Çohet një amendament në parlament e ca palë kanë qëndrime paraprake konverguese? Por në fund konvergimi shpërbehet?
Atëherë dy gjëra për produktin final:
E para, sado brilante strategjia, për të patur rezultat të duhet një armik i përbashkët.
E dyta, nuk ka kuptim të presësh sa të nxehet hekuri që ta rrahesh, rrihe derisa ta nxehësh e mandej kokës.
Ç’është gjithë ky ankth për të thënë të verteten? Gjithë ky konspiracion? Ishit kundra, votoni kundra! E dinit që s’kishit numra? Numërohuni njëherë!”
Siç informoi më herët Shuplaka, plot 21 deputetë demokratë munguan në votim, mes tyre edhe ish-kryeministri Sali Berisha. (A.R/SHUPLAKA)
Discussion about this post