Partia Socialiste, përpara disa ditësh ka dërguar në Komisionin Qendror të Zgjedhjeve një kërkesë me të cilën kërkon që kryetarët që kanë drejtuar për tre mandate rresht bashkitë e vendit, të mos lejohen të rikandidojnë më.
Por kjo nuk u pranua nga anëtarët e Partisë Demokratike në këtë Komision, e cila theksoi se ligji fillon zbatimin në vitin 2017, pasi është votuar në vitin 2015 dhe nga ato zgjedhje fillon numërimi.
Pas diskutimeve, KQZ e hodhi në votim propozimin, i cili mori 4 vota pro dhe 1 kundër. Propozimi nuk u miratua pasi kërkon së paku 5 vota pro, pasi ishte akt normativ që votohej me 3/5 e anëtarëve të KQZ-së (lexo ketu).
Pas këtij vendimi, Partia Socialiste pritet ti drejtohet Kolegjit Zgjedhor për të ankimuar vendimin e marrë nga Komisioni Qendrori i Zgjedhjeve i cili nuk përjashtoi nga kandidimi kryetarët e bashkive që kanë më shumë se tre mandate në drejtimin e njësive vendore.
Por pse e gjithë kjo këmbëngulje nga ana e të majtyëve kur shumica e kryetarëve të bashkive që kanë siguruar tre mandate rrjesht I përkasin krahut të vet politik. Përfshirë dy më të njohurit dhe të komentuarit, atë të Durrësit Vangush Dakon dhe të Elbasanit Qazim Sejdinit.
Qazim Sejdini ka qenë i pari që e ka deklaruar se nuk do të kandidojë më, ndërsa Vangjush Dako nuk është shprehur qartë në lidhje me ambicien e tij për një mandat të katërt në drejtimin e Durrësit.
Por përfshirja e emrit të tij si pjesë e përgjimeve të dosjes 339, duket se e ka frenuar Edi Ramën për ta rikandiduar një nga kryebashkiakët e tij më të suksesshëm.
Eksponentë të djathtë thonë se kjo lëvizje është një strategji e qartë për të “hequr qafe” ligjërisht Vangjush Dakos si dhe për tu mbyllur rrugën kandidatëve rivalë si Fiqir Ismaili apo Xhelal Mziu.
Më poshtë janë emrat që ka nxjerrë Instituti i Studimeve Politike:
(F.GJ/FAXWEB.AL)
