Një aeroplan mallrash i është rrëzuar në det pranë Bregut të Fildishtë. Aksidenti ka ndodhur pas nisjes nga aeroporti i Abixhanit dhe ka shkatuar vdekjen e 4 personave dhe plagosjen e 6 të tjerëve.
Aeroplani po transportonte një ngarkesë për ushtrinë franceze. Aksidenti ka ndodhur gjatë një stuhie të fortë me reshje të dendura shiu dhe vetëtima.
Katër shtetas francezë i mbijetuan përplasjes, por u plagosën, tha ministri i Sigurisë së Bregut të Fildishtë, Sidiki Diakite, në vendngjarje. Disa burime të sigurisë së Bregut të Fildishtë thanë se ushtarët francezë ishin midis të plagosurve.
“Ajo që mund të themi për momentin është se këtë mëngjes rreth orës 8:30 (08:30 GMT), një avion Antonov u rrëzua … me 10 vetë në bord duke përfshirë anëtarët e ekuipazhit,” tha ai.
Ushtria franceze operon një bazë logjistike pranë aeroportit në mbështetje të operacionit të saj Barkhane, duke luftuar militantët islamikë në rajonin Sahel të Afrikës Perëndimore. (B.H/Shuplaka)
Discussion about this post