Një aeroplan i vogël është rrëzuar në afërsi të Lisbonës në Portugali. Sipas mediave lokale të vdekur kanë mbetur 5 personat që ishin brenda në bord.

Sipas informacioneve paraprake, në aeroplan ka pasur një shpërthim përpara se të përplasej me tokën.

Komandanti operacionaol, Miguel Cruz i ka thënë agjencisë Associated Press, se viktimat janë një pilot zviceran, tre pasagjerë nga Franca dhe një shofer kamioni nga Portugalia, i cili u godit nga avioni.

Dëme kanë pësuar edhe disa ndërtesa afër vendit ku është rrëzuar aeroplani.

Aeroplani ka rënë pranë një marketi dhe një resorti. (M.D/ Shuplaka)