Rrëzohet avioni në aeroportin ‘Ataturk’ të Stambollit, 1 i vdekur, 3 të plagosur

Që prej mbrëmjes së djeshme aeroporti kryesor i Stambollit, “Ataturk”, është mbyllur  pasi një aeroplan privat u rrëzua teksa po përpiqej të ulej.

Deri më tani raportohet se ka një viktimë, i cili është piloti dhe ka të plagosur, që ishin pasagjerë. Këta të fundit janë dërguar me urgjencë në spital për shkak të plagëve të marra.

Aeroplani u përplas teksa po ulej dhe u përfshi menjëherë nga flaka, kurse tipi i aeroplanit raportohet të jetë “Cessna 650 Citation 7”.

Sipas autoriteteve të aeroportit Ataturk, brenda këtij aeroplani mund të akomodohen gjashtë persona dhe dy pilotë. (J.V/Shuplaka)