Shërbimet spanjolle të shpëtimit po kërkojnë dy pasagjerët e një aeroplani me dy vende që u rrëzua në det të shtunën në mbrëmje, pranë ishullit të Majorkës.
Aksidenti ndodhi rreth orës 20:00 të së shtunës në një zonë pranë farit të portit të Soller, i vendosur në pjesën veriore të ishullit, sipas policisë spanjolle.
Avioni i lehtë, i cili ishte ngritur nga aeroporti i Majorkës dy orë më parë, u rrëzua në det, 100 metra larg bregdetit, i tha policisë një pasagjer në një varkë që ishte dëshmitar i incidentit.
Sipas shtypit lokal, ishte një avion akrobatik që po manovronte në ajër para aksidentit.
Ekipet e shpëtimit, të cilat deri më tani kanë rikuperuar një pjesë të rrënojave, vazhdojnë të kërkojnë dy pasagjerët në këtë zonë, ku thellësia e ujit arrin deri në 30 metra.
Identitetet e dy personave që ndodheshin në bord janë aktualisht të panjohura.
