Një ngjarje e rëndë ka ndodhur në Zvicër, ku pas rrëzimit të një avioni kanë humbur jetën dy adoleshentë.
Ngjarja ka ndodhur në rajonin e masiveve alpine Diavolezza, ku dy 14-vjeçarët të cilët po kalonin pushimet verore në kantonin zviceran Grisons, humbën jetën pas rrëzimit të avionit. Si pasojë e aksidentit ka humbur jetën edhe piloti.
Mesohet se e pranishme në avion ka qenë edhe një adoleshente 17 vjeçe, e cila ndodhet në spital në gjendje të rëndë për shkak të plagëve. Policia e kantonit, ka njoftuar se nisur një hetim për të zbuluar shkaqet e aksidentit.
Mediat zviceriane shkruajnë se avioni është një mjet i tipit “Piper PA 28” me katër vende, dhe piloti ishte me mjaft përvojë, pasi vinte nga rajoni dhe organizatonte prej disa vitesh fluturime. (D.D/Shuplaka)
