18 persona kanë humbur jetën nga rrëzimi i një helikopteri ushtarak, i cili ra në në rajonin e Oromia të Etiopisë mëngjesin e sotëm, raporton agjencia e lajmeve shtetërore Fana.
Zyrtari i policisë Aschalew Alemu ka thënë për mediat se helikopteri po udhëtonte nga qyteti lindor i Dire Dawa në një bazë ajrore në qytetin Bishoftu në juglindje të kryeqytetit Addis Abeba.
Agjencia e lajmeve shtetërore Fana raporton se 18 personat që humbën jetën tragjikisht, 15 prej tyre ishin ushtarë dhe 3 civilë.
Përsa i përket shkakut së rrëzimit të helikopterit ende nuk ka një raportim zyrtarë. Ministri lokal i kabinetit të Oromias, Addisu Arega, konfirmoi lajmin për agjencinë duke thënë se: “Të gjithë pasagjerët në bord vdiqën. Shkaqet janë duke u hetuar, i shpreh ngushëllimet tona familjeve të viktimave”.
(E.V/Faxweb.al)
Discussion about this post