Rrihen dy gazetarë gjatë protestave kundër gjuhës shqipe në Maqedoni

Dy gazetarë janë sulmuar gjatë protestës së mbajtur sonte në Shkup nga shoqata “Për Maqedoni të bashkuar”.

Ministri Nuhiu ka njoftuar Shoqatën e Gazetarëve të Maqedonisë se ka arrestuar personat që shkaktuan incidentin që ndodhi në protestë, ku e pësuan gazetarët e portalit A1on.

Sipas pjesëmarrësve të protestës, protestuesit kanë sulmuar ekipin e A1on para Portës Triumfale, ua  kanë dëmtuar kamerat dhe kanë rrahur gazetarët, e  njëri nga gazetarët e portalit është ankuar për lëndime të shumta.

Ata janë dërguar me makinën e ndihmës së shpejtë  dërguar në një nga klinikat e Shkupit.

Kjo iniciative qytetare në Maqedoni ka deklaruar më herët se do të përfshihet në protesta kombëtare në vend kundër draftit që parashikon përdorimin e gjuhës shqipe në cdo nivel të qeverisjes.

Ky projekt-ligj erdhi si rezultat i bisedimeve të partive shqiptare për një platformë të përbashkët që do t’i propozohej një nga liderëve maqedonas që do të mandatoheshin për kijimin e qeverisë së re pas zgjedhjeve.

“Ky vandalizëm ndaj gazetarëve, dhe kjo retorikë e vazhdueshme nacionaliste, që ndjell urrejtje ndëretnike, është një akt i papranueshëm që pasqyron, metodat e këtij pushteti  që ngulfat demokracinë dhe fjalën e lirë. Ju bëjmë thirrje organeve kompetente, prokurorisë dhe policisë që sa më shpejt  ti marrin masat e duhura dhe dhunuesit e gazetarëve ti nxjerrin sa më parë para drejtësisë. Njëkohësisht Ju bëjmë thirrje edhe qytetarëve shqiptar të jenë të kujdesshëm dhe mos të bien pre e provokimeve eventuale të protestuesve të dhunshëm që nuk kursejnë as gazetar të pafajshëm” thuhet në reagimin nga  partia Aleanca për Shqiptarët e Ziadin Selës.

(M.D/ Shuplaka)