Dhunë barbare është ushtruar ndaj këngëtarit shqiptar në Maqedoni teksa ai ishte duke xhiruar një klip. Këngëtari shqiptar Shkodran Tolaj ka treguar se gjatë xhirimit të këngës “Kërçovari” është rrahur nga persona të panjohur. Mesa duket për motive patriotike.
Ai ka shkuar në spital ku ka marrë ndihmë mjekësore pasi është gjakosur në kokë. Vetë Tolaj ata që e dhunuan i quan skllavo-maqedonë.
“Të nderuar bashkëkombas! Të nderuar mërgimtarë! Dihet që njeriu ka pesë litra gjak në trup, por unë do e jap dhe pikën e fundit për Kërçovë dhe çdo cep të shqiptarisë.
Pavarësisht sulmit brutal dhe lëndimeve të marra, u informoj se jam më mirë falë përkujdesjes maksimale dhe ekipit të mrekullueshëm të mjekëve në spitalin e Kërçovës. Njëkohësisht u falemnderoj të gjithëve nga zemra për përkrahjen morale dhe dua tu informoj se puna dhe misioni ynë do realizohet deri në fund.
Lus të gjithë mërgimtarët kërçovarë që të na bashkohen në Uskanë me 15 tetor për të festuar fitoren e madhe se vetëm atëherë do i harroj plagët që i mora sot. (J.V/Shuplaka)
Discussion about this post