Një 42-vjeçar është arrestuar në flagrancë nga Specialistët për Krimet në Komisariatin e Policisë Shijak, nën akuzën e “dhunës në familje”.
I ndaluari nga policia, i identifikuar si Dritan Xhafa 42 vjeç, akuzohet se ka dhunuar bashkëshorten me iniciale N. XH. 41 vjeç dhe djalin 13-vjeçar M. XH.
Detaje të Policisë së Durrësit:
Specialistët për Krimet në Komisariatin e Policisë Shijak arrestuan në flagrancë shtetasin:
- Dritan Xhafa 42 vjeç, banues në Kareç, Shijak.
Më datë 18.01.2017, rreth orës 05:00, për motive të dobëta, në banesë, ka ushtruar dhunë fizike ndaj bashkëshortes së tij, shtetases N.Xh. 41 vjeçe dhe djalit të tij të mitur me iniciale M. XH. 13 vjeç.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Dhunë në familje”parashikuar në nenin 130/ a të Kodit Penal. (XH.A/SHUPLAKA)
