Rrihte nënën e tij për ti marrë pensionin, arrestohet 51-vjeçari në Mat

Ushtronte dhunë fizike në mënyrë të vazhdueshme ndaj nënës së tij, duke i shkaktuar dëmtime fizike. Ndërhyrja e Policisë ka parandaluar përshkallzimin e dhunës, duke arrestuar në flagrancë dhunuesin.

Dhunuesi i dënuar edhe më parë për dhunë në familje ndaj bashkëshortes. E dhunuara, pas marrjes së ndihmës mjeksore është larguar në banesë. Shkaku i dhunës, lekët e pensionit për ti prishur për konsum alkooli.

Nga Specialistët për Hetimin e Krimit në Komisariatin e Policisë Mat, u arrestua në flagrancë shtetasi :

1. H, 51 vjeç, banues në Baz-Mat (i dënuar më parë për Dhunë në familje).

Arrestimi i tij u bë pasi, Policia ka marrë njoftim se shtetasja L.H, 75 vjeçe, në banesën e saj po dhunohej nga djali i saj, i cili po ushtronte dhunë fizike, duke i shkaktuar dëmtime fizike në trup.

Policia ka arrestuar menjëherë shtetasin e lartpërmendur, si dhe i ka dhënë ndihmën e duhur shtetases së dhunuar.

Materialet i kaluan Prokurorisë Rrethit Gjyqësor Mat për veprën penale “Dhunë në familje”, parashikuar nga neni 130/a/1, i Kodit Penal.

(E.K/SHUPLAKA)