Presidentja e Urdhërit të Farmacistëve, Diana Toma në një lidhje telefonike për Fax News foli në lidhje me çmimet për maskat, dorezat dhe dezinfektantët, të cilat në farmaci të ndryshme kanë pësuar rritje çmimi së fundmi, pas përhapjes së koronvirusit.
“Në Farmaci ndryshe nga në tregun e lirë çmimet janë të pasrqyruara, në kategorinë barna. Sa i përket materialeve siç janë dorezat,maskave dhe dezinfektantëve nuk ka një cmim të caktuar, por është ndjekur i njëjti marsh dhe kategori. Mua më lind pyetja si është e mundur kur materialet kanë një çmim tjetër? Kemi vënë re që faturat shoqëruese kanë qenë me çmim të rritur. Nuk përjashohet se mes këtyre ka dhe abuzues, dhe ndaj ka edhe kontrolle. Në mënyrë që të identifikohet ajo çfarë faramcitë e tjera bëjnë me përkushtim.”- tha Toma.
Sa i përket mungesës së maskave në farmaci, Toma sqaroi se është bërë çdo gjë e mundur nga ana e farmacistëve që tu shërbejnë pacientëve.
“U bë një periudhë disa javorë që flitet për maska, për doreza, tregon se situata ka qenë jo e parashikueshme dhe ka çuar në mos plotësim të kërkesave. Farmacistët kanë marrë masa në të gjithë vendin me çdo mundësi që t’u shërbejne pacienteve.
Dera e Farmacisë është vendi që jo vetëm ka dhënë informacion masiv, por ka dhënë edhe mbështetjen parësore mjekësore.Një mesazh për qytetarët të vazhdojnë të besojnë tek farmacistët dhe tek aftësia e tyre. Farmacistët kanë nevojë për një suport psikologjik.”- tha Toma.
(M.Q/Faxweb.al)
Discussion about this post