Volumi i udhëtimeve në Shqiipëri përgjatë muajit Janar 2017 ka pësuar një rënie me të njëjtën periudhë të një viti më parë. Në raportin e saj, INSTAT bën me dije se udhëtimet e të huajve për biznes dhe turizëm në Shqipëri janë rritur, ndërsa kalimet transit janë ulur.
Konkretisht:
Numri i shtetasve të huaj që kanë hyrë në vend është 172.757, një ulje prej 0.4% krahasuar me një vit më parë. Ndërsa numri i shtetasve shqiptarë të dalë nga territori i Shqipërisë gjatë muajit janar 2017 është 371.041, një ulje 1.3% me Janar 2016.
Shtetasit shqiptarë dhe të huaj të dalë nga vendi gjatë Janarit 2017 janë 558.109, një ulje me 4,0%, krahasuar me të njëjtën periudhë të një viti më parë.
Sa i përket numrit të vizitorëve të huaj që kanë hyrë në Shqipëri për qëllime pushimi dhe vizita ditore në muajin janar 2017, rezulton 30.374, por rekord mbajnë ata që kanë hyrë për qëllime personale në janar 2017 është 169.822 dhe përbëjnë 95% të numrit gjithsej të hyrjeve të shtetasve të huaj. Pavarësisht këtyre shifrave, numri i shtetasve të huaj për qëllime personale është ulur 0,7%.
Shtetasit e huaj që kanë hyrë në Shqipëri për biznese përbëjnë 0.5% të hyrjeve të shtetasve të huaj. “Hyrjet e shtetasve të huaj, në rrugë tokësore, zënë peshën më të madhe me 75,9 %, ndërsa hyrjet në rrugë ajrore dhe detare zënë respektivisht 19,3% dhe 4,8%.”, përcjell “Monitor”.
Gjatë muajit Janar 2017, numri më i madh i shtetasve të huaj në Shqipëri rezulton nga Kosova me 33.3%, ndjekur nga Maqedonia me 14,6%, Greqia me 13,6%, Mali i Zi me 12,0%. (XH.A/SHUPLAKA)
Discussion about this post