Një ngjarje e rëndë ka ndodhur mesditën e sotme në Kavajë, ku si pasojë e përplasjes me armë mes grupeve rivale, 1 person ka humbur jetën dhe 6 të tjerë janë plagosur.
6 të lënduarit u transportuan nga patrulla e policisë dhe u dërguan në spitalin e Durrësit, ndërsa një prej tyre në gjendje të rëndë është nisur drejt spitalit të Traumës në kryeqytet.
Dyshohet se personi që ka mbetur i vrarë nuk ka lidhje me personat e konfliktuar, dhe ka qenë kalimtar i rastit.
Paraprakisht thuhet se ka pasur një përplasje mes dy grupeve të armatosura, po nuk ka ende identitete të personave të përfshirë.
Në qytet dhe rrugët hyrëse e dalëse janë ngritur postblloqe dhe është bërë e mundur arrestimi i një prej autorëve të dyshuar të vrasjes.
Sipas burimeve personat që kanë qenë pjesë e kësaj ngjarje janë të njohur për blutë e Kavajës, pasi janë përfshirë dhe në ngjarje të tilla të mëparshme.
https://www.faxweb.al/lajm-i-fundit-1-i-vdekur-dhe-7-te-plagosur-ne-kavaje-zbulohen-emrat-e-personave-te-perfshire-viktima-kishte-shkuar/
(E.K/Faxweb.al)
Vijon…
