Mosha e daljes në pension për gratë do të rritet. Lami është bërë me dije nga vetë Instituti i Sigurimeve Shoqërore, që ka njoftuar se duke filluar nga 1 janar 2017 gratë do të dalin në pension pasi të kenë mbushur 60 vjeç e 6 muaj.
Ashtu siç dihet, skema e pensionit parashikon rritjen e moshës për pension me dy muaj në vit. ISSH bën me dije se për periudhën e vitit 2017 plotësojnë moshën e daljes në pension gratë e lindura në periudhën 01.11.19596 deri në 31.08.1957. Njëkohësisht ISSH ka njoftuar edhe rritjen e viteve të vjetësisë në punë me 4 muaj në vit, si për burrat edhe për gratë, pra periudha e plotë e sigurimit duhet të jetë 36 vite. Mësohet se ISSH do të mbajë të pandryshuar periudhën minimale të vjetërsisë në punë, që vijon të mbetet 15 vite punë. Konfirmohet se ndryshimet e reja në skemën e pensioneve nuk prekin moshën e daljes në pension të burrave, që vazhdon të mbetet 65 vjeç.
