Numri i viktimave të shpërthimit shënuar ditën e djeshme në një metro të Shën Petërsburgut ka shkuar në 11, ndërkohë që numërohen 51 të plagosur.
Kryeministri rus Dmitry Medvedev e përshkroi sulmin si një “akt terrorist”. Shpërthimi ndodhi në momentin që treni ishte duke udhëtuar mes dy stacioneve të metrosë në qytetin e dytë më të madh rus.
Deri tani, asnjë grup terrorist nuk ka marrë përgjegjësinë e sulmit që çoi në mbylljen e metrosë së qytetit. Sipas hetuesve, makinisti mund të ketë shpëtuar dhjetëra jetë me veprimin e tij, pasi në vend që të ndalonte trenin pas shpërthimit, ai vazhdoi rrugën për në stacionin tjetër duke e lehtësuar evakuimin e pasagjerëve.
(XH.A/SHUPLAKA)
[ngg_images source=”galleries” container_ids=”1497″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
