Rritet numri i viktimave vrarë nga “babagjyshi” në Stamboll, qeveria ndalon median të mbulojë ngjarjen

Numri i viktimave në klubin “Reina” në Stamboll, ka arritur në 39, ndërkaq numërohen 69 të plagosur. Mediat e huaja bëjnë me dije se ndër viktimagt numërohen 16 shtetas të huaj (jo turq) dhe një efektiv policie. Lajmi për vdekjen e policit është bërë me dije nga Guvernatori i Stambollit Vasip Sahin.

Ministri i Brendshëm i Turqisë, Suleyman Soylu, bëri me dije se si sulmi u shënua në orën 01:30 pas mesnate (me orën lokale). “Kërkimi për terroristët vazhdon. Unë shpresoj se me ndihmën e Zotit, ai do të kapet shpejt.”, është shprehur ndër të tjera ministri.

“BBC” shkruan se autoritetet turke kanë imponuar ndalimin e medieve në mbulimin e plotë të ngjarjes, por ky vendim nuk do të bëhet i ditur përmes ndonjë deklarate zyrtare. (XH.A/SHUPLAKA)