Muaji gusht ka nisur me rritjen e cmimit të bylmetit një kosto kjo shtesë për qytetarët. Duke nisur që nga kjo javë çmimi i qumështit me yndyrë 3,2% rreth 1,4 litra do të shitet me 190 lekë nga 160 lekë që është shitur deri me tani. Lidhur me këtë shtrenjtim të radhës qytetarët elbasanas shprehin shqetësimin e tyre. Ata thonë se e kanë të pamundur me rrogat dhe pensionet që marrin të përballojnë jetesën dhe çmimet që veçse rriten. Ata kërkojnë ndërhyrjen e shtetit.
“Çmimi jonë si fermerë nuk rritet sepse s’ka lekë. Vajin e ullirit këtu ke unë nuk e merr kurse në market shkon e merr 5 mijë lek litrin vajin e lulediellit. Nuk ka shtet këtu. Unë e shes 150 lek një litër e gjysmë kurse në market 1 litra 1 mijë e 900 ka shkuar. Kurse malli i fshatarit nuk rritet kurrë”, tha fermeri.
Në ndryshim nga supermarketet dhe dyqanet e bulmetit fermerët thonë se ata se kanë rritur cmimin e qumeshtit dhe nënprodukteve të tij.
“Janë rritur shumë cmimet ska ku të shkojë më . Lekë jo rroga jo. Qumështi, kosi është rritur shumë, nuk e përballojmë dot më shumë jemi pa punë. Jemi me invalid në shtëpi, nuk e përballojmë dot. Kempin e kanë hequr”, tha qytetarja.
Duket se rritja e çmimeve të produkteve të bylmetit po ndikohet nga mungesa e lëndës së parë në treg. Rënia e numrit të bagëtive ka ndikuar në uljen e furnizimeve më lëndë të parë, duke bërë që prodhimi aktual të shitet me çmime shumë të shtrenjta.
