Kryebashkiaku i tiranës Erion Veliaj ka pranuar propozimet që këshilltarët e LSI-së i vunë si kusht për rritjen e çmimit të ujit të pijshëm.
“Kemi votat për ta bërë Tiranën me ujë 24 orë. Bashkia do t’i përcjellë ERU plan biznesin me gjithë propozimet e LSI. PS-LSI, Tirana me uje me e rëndësishme se partitë”, ka deklaruar Veliaj.
Me këtë, Veliaj i ka hapur rrugën votës pro të këshilltarëve të LSI-së. Tanimë votë kundër mbetet vetëm ajo e këshilltarëve demokratë. Megjithatë presim përfundimin e mbledhjes së Këshillit Bashkiak.
Bëhet fjalë për rimbursimin e familjeve në nevojë si edhe diferencimin e bizneseve. Kujtojmë se pas dëgjesës publike të një dite më parë, kshilltari i LSI-së, Endrit Braimllari, deklaroi se ai dhe këshilltarët e tjerë të kësaj force politike kanë kërkuar dy gjëra, rimbursimin e familjeve në nevojë, si edhe diferencim të bizneseve.
“Në bëmë sugjerimet tonë. Në fund të një diskutimi të gjatë arritëm një konkluzion ku këshilltarët e LSI propozuan dy pika të rëndësishme;
1-diferencimi i çmimeve për bizneset e ndryshme, që kanë të bëjnë me produktet e shportës. Ne kërkojmë nga bashkia e Tiranës që për këto biznese çmimi i ujit mos të ritet, që mos të rëndojë tek qytetarët.
2; Kemi kërkuar përfshirjen në skemën e rimburismit të familjeve që marrin ndihmë nga skema e ndihmës ekonomike. Ne jemi në përkrahje të qytetarëve të Tiranës.
Në parim ramë dakord, nuk jamë dakord që të çohen si opinione në EU. Kemi rënë dakord që vendimi të kalojë sëbashku me opinionet e këshillit bashkiak. Dua të jem shumë i qartë, kemi kërkuar rimbursim për familjet në nevojë dhe diferencim të bizneseve.”, tha Braimllari. Vijon… (D.D/Shuplaka)
