Nënkryetari i Lëvizjes Socialiste për Integrim, Luan Rama në një lidhje telefonike në “News24” është shprehur në lidhje me rritjen e çmimit të ujit të pijshëm se LSI nuk është pjesë ë asnjë pazari.
Rama tha se LSI është pjesë e shqetësimit qytetar dhe se ka dhjetëra mënyra për rritjen e të ardhurave të Ndërmarrjes së Ujësjellës Kanalizimeve Tiranë.
“Ne do te kthehemi në mbledhje vetëm kur të bindemi që mbrohet dhe i shërbehet interesit qytetar. LSI nuk është pjesë e asnjë pazari! LSI është pjese vetëm e shqetësimit qytetar!
Është skandaloze që UKT nuk faturon dot më shumë se sa 30% të konsumimit të ujit. Ka një mijë mënyra se ku mund të rriten të ardhurat e kësaj ndërmarrjeje. Ne do jemi pjesë e reformimit të kësaj ndërmarrjeje”, tha Rama. (S.SH/Shuplaka)
Discussion about this post